எவனோ ஒருவன்

நம்பினால் நம்புங்கள்

2009-08-26T16:58:00.004+05:30

முன்னால் அமெரிக்க அதிபர்களாக இருந்தவர்கள் ஆபிரகாம் லிங்கனும், ஜான் எப். கென்னடியும். இதைத் தவிர இவர்களுக்குள் சில நம்பமுடியாத ஒற்றுமைகள் உள்ளன. நம்பினால் நம்புங்கள்.....

அமெரிக்க காங்கிரஸ் கீழ்சபைக்கு லிங்கன் தேர்ந்தெடுக்கப்பட்ட ஆண்டு 1846. அதே இடத்துக்கு கென்னடி தேர்ந்தெடுக்கப்பட்ட ஆண்டு 1946.

லிங்கன், கென்னடி இரண்டு பெயர்களும் ஆங்கிலத்தில் ஏழு எழுத்துக்களை கொண்டுள்ளன.

வெள்ளை மாளிகையில் வசித்த போது இரண்டு அதிபர்களின் மனைவியரும் தங்கள் மகனை இழ்ந்தனர்.

இருவரும் கொல்லப்பட்டது வெள்ளிகிழமையில் தான்.

இருவரும் தலையில் சுடப்பட்டு இறந்தனர்.

லிங்கன் கொல்லப்பட்டது போர்டு திரையரங்கில்.
கென்னடி கொல்லப்பட்டது போர்டு காரில்.

லிங்கனின் செகரட்டரி பெயர் கென்னடி.
கென்னடியின் செகரட்டாரி பெயர் லிங்கன்.

இருவருமே தென் பகுதி அமெரிக்கர்களால் (Southern part of USA) கொல்லப்பட்டனர்.

இருவருக்கு அடுத்து பதவிக்கு வந்தவர்களும் தென் பகுதியைச் சார்ந்தவர்கள்.

லிங்கனுக்கு அடுத்து பதவிக்கு வந்தவர் ஆன்ட்ரூ ஜான்ஸன்.
கென்னடிக்கு அடுத்து பதவிக்கு வந்தவர் லின்டன் ஜான்ஸன்.

ஆன்ட்ரூ ஜான்ஸன் பிறந்த ஆண்டு 1808.
லின்டன் ஜான்ஸன் பிறந்த ஆண்டு 1908.

லிங்கனை கொன்ற ஜான் வில்கின்ஸ் பூத் பிறந்தது 1839ல்.
கென்னடியை கொன்ற லீ ஹார்வி ஆஸ்வால்ட் பிறந்தது 1939ல்.

இரு கொலையாளிகளின் பெயர்களும் மூன்று வார்த்தைகளையும் பதினைந்து எழுத்துக்களையும் கொண்டிருந்தன.

பூத் திரையரங்கில் இருந்து தப்பி ஓடி குடோனில் பிடிபட்டான்.
ஆஸ்வால்ட் குடோனில் இருந்து தப்பி ஓடி திரையரங்கில் பிடிபட்டான்.

நம்பமுடிகிறதா?

FIR : முதல் தகவல் அறிக்கை : விண்டோஸ் 7

2009-08-13T11:28:00.002+05:30

இதோ வருது. அதோ வருதுன்னு சொல்லி ஒரு வழியா அக்டோபர் 16 வருதுன்னு அதிகார்ப்பூர்வமா அறிவிச்சுட்டாங்க. அது மட்டும் இல்லாம கணினி தயாரிப்பு நிறுவனங்களுக்கும் அவங்க கணினியில நிறுவுவதற்க்காக (pre-installed) விண்டோஸ் 7 பதிப்பை அனுப்பிட்டாங்க. இதுக்கு இடையில விண்டோஸ் 7 சோத்னை பதிப்பான RC 1 பதிப்பையும் வெளியிட்டு இருக்காங்க.

இந்த RC 1 பதிப்பு ஜுன் மாதம் தேதியிட்ட டிஜிட் (Digit) இதழில் இலவசமா கொடுத்திருக்காங்க. என்ன தான் புத்தகத்த ஜுன் மாதமே வாங்கிட்டாலும் விண்டோஸ் 7 நிறுவுவதற்க்கான நேரம் நேற்று தான் வந்தது.

விஸ்டா வெளிவந்த போது அது அப்போது பயன்பாட்டில் இருந்த எக்ஸ்.பி.யை விட முற்றிலும் மாறுபட்டிருந்தது. அதன் காரணமாகவும் பயன்படுத்தும் போது தேவை இல்லாமல் வந்து இம்சை செய்யும் permission விண்டோக்களினாலும் விஸ்டா தோல்வி அடைந்தது. மேலும் விஸ்டா பதிப்பை வெளியிடும் முன், பாதுகாப்பில் பல மாற்றங்கள் செய்துள்ளதாகவும், எந்த வித வைரஸாலும் தாக்க முடியாத்து என்றும் அறிவித்தது மைக்ரோசாப்ட். உண்மையில் விஸ்டா சிறந்த முறையில் வைரஸ்களை எதிர்கொண்டது என்றே கூற வேண்டும். (newfolder.exe என்ற வைரஸ் எக்ஸ்.பி.யில் பலமான பாதிப்புகளை ஏற்ப்படுத்தியது. விஸ்டா விலும் அந்த வைரஸ் பரவியது என்றாலும் பெட்டிப் பாம்பாய் ஒரு மூலையில் அடங்கி விட்டது. கணினியில் அது எந்த பாதிப்பையும் ஏற்ப்படுதவில்லை). எனினும் விஸ்டா வின் வைரஸ் பாதுகாப்பு முழுமையாக இல்லை. விஸ்டா வெளிவந்த சில மாதங்களிலேயே அதனை பாதிக்க கூடிய வைரஸ் தொகுப்பும் வந்து விட்டது.

ஏற்கனவே விஸ்டா தந்த அதிர்ச்சியில் இருந்து இன்னும் மைக்ரோசாப்ட் மீளவில்லை போல் தோன்றுகிறது. விண்டோஸ் 7 முழுவதும் விஸ்டா வாடை இருந்துகொண்டே இருக்கிறது.

முதலில் விண்டோஸ் 7 பூட் செய்யும் போது வரும் "Install Now" முதல் இறுதி வரை விஸ்டாவின் நகல் போல தோன்றுகிறது. பேக்கிரவுண்ட் படம் மட்டும் மாறி உள்ளது. பூட் செய்து முடித்த பின்னர் கணினியை மீண்டும் ஆன் செய்யும் போது, முதலில் தெரியும் "Loading Windows" போது வரும் விஸ்டாவில் வரும் பச்சை நிற ப்ரீ-லோடர் இல்லை. அதற்கு பதிலாக நான்கு சிறிய பந்துகள் வந்து அவை விண்டோஸ் லோகோவாக மாறுகிறது. இதனைக் காட்டிலும் ப்ரீ-பீட்டா (pre-beta) பதிப்பில் இருந்த வெள்ளை நிற ப்ரீ-லோடர் நன்றாக இருந்தது.

உள்ளே சென்றதும் முதலில் நம் கண்ணில் படுவது மாற்றப்பட்ட டாஸ்க் பார் தான். இதற்கு முன் வந்த பதிப்புகளில் இருந்து முற்றிலும் மாறுபட்டுள்ளது டாஸ்க் பார். மேலும் டாஸ்க் பாரும் குவிக் லான்ச் பாரும் அழகாக ஒருங்கிணைக்கப்பட்டுள்ளன. இதுவரை டாஸ்க் பாரில் பெயர்களை மட்டும் பார்த்து வந்த நமக்கு கலர் கலராய் படங்கள் தெரிவது ஒரு புது அனுபவம். மேலும் எக்ஸ்ப்லோரரில் (win explorer) ஏதேனும் லோட் ஆகும் பொழுது லோடிங் அளவு டாஸ்க் பாரில் தெரிவது நல்ல ஐடியா. மற்றொரு குறிப்பிட வேண்டிய மாற்றம் "show desktop" பட்டன். குவிக் லான்ச் பாரில் இருந்த இதை டாஸ்க் பாரின் வலப்பக்க மூலைக்கு மாற்றி உள்ளனர். ஆனால் இதை பயன்படுத்துவது சுலபமாக இல்லை. ஒரு வேளை பழகி விட்டால் சரி ஆகி விடக்கூடும்.

Notification Areaவில் உள்ள ஐகான்கள் விண்டோஸ் 98ஐ நினைவு படுத்துகிறது. அதை இன்னும் சற்று கிராபிக்கலாக செய்து இருக்கலாம். டெஸ்க்டாப்பில் இன்னுமொரு மாற்றம் Gadgets. Side Bar என்பதை எடுத்து விட்டு எங்கு வேண்டுமானாலும் வைத்துக்கொள்ளும் படியாக உள்ளது. விண்டோஸ் 7 பதிப்பில் themes நன்றாக உள்ளது.

இதற்கு மேல் மற்ற எல்லா இடங்களிலும் விஸ்டா போன்ற அமைப்பயே கொண்டுள்ளது. எனினும் இவை அனைத்தும் RC 1 பதிப்பில் உள்ளவையே. ஒரிஜினல் பதிப்பில் இதில் மேலும் சில சிறிய மற்றும் பெரிய மாற்றங்கள் ஏற்படலாம்.

எது எப்படியோ? தற்போது வென்றே ஆகவேண்டிய கட்டாயத்தில் உள்ளது மைக்ரோசாப்ட். ஏற்கனவே கூகிள் போன்ற நிறுவனங்கள் இயங்குதள சந்தையில் இறங்கிவிட்ட நிலையில் விண்டோஸ் 7ன் வெற்றியை பொறுத்தே மைக்ரோசாப்ட்டின் எதிர்காலம் உள்ளது.

RC 1 பதிப்பை பொறுத்த வரை இறுதி முடிவு..... கிழவிக்கு மேக்கப் போட்டு புது பெயரில் மணமேடையில் உட்கார வைத்திருக்கிறது மைக்ரோசாப்ட்.

சம்பாதிக்க சில வழிகள்

2009-08-07T17:46:00.004+05:30

இன்டெர்நெட் மூலமா சம்பாதிக்க பல வழிகள் இருக்கு. அதுல பைசா செலவு இல்லாம சம்பாதிக்க எனக்கு தெரிஞ்ச சில வழிகள்:

1. AW surveys:

இந்த வெப்சைட்ல இலவசமா பதிவு பண்ணிட்டா உங்களுக்கு சர்வே பன்றதுக்கு சில வெப்சைட் தருவாங்க. அந்த வெப்சைட் எப்படி இருக்குன்னு சொன்னா போதும். ஒரு சர்வேக்கு $2 முதல் $3 வரை உங்க அக்கவுன்ட்ல சேர்த்திடுவாங்க. அது மட்டும் இல்லாம ஆரம்பத்துல தொடக்க சர்வேக்கு $6 கிடைக்கும். மொத்தமா $75 சேர்ந்ததுக்கு அப்புறம் உங்க கிரெடிட் கார்ட் மூலமாவோ பே பால் அக்கவுன்ட் மூலமாவோ நீங்க வாங்கிக்கலாம்.

2. Neo Bux:

ஏ.டபிள்யூ.சர்வேஸ்’ல வெப்சைட்ட சர்வே பன்னனும். ஆனா இதுல விளம்பரத்த பார்த்தலே காசு கிடைக்கும். ஒரு விளம்பரத்த பாக்குறதுக்கு $0.01. ஒரு நாளைக்கு 4 விளம்பரம். மொத்தம் ஒரு நாளுக்கு $0.04 சம்பாதிக்கலாம்.

3. Rupee Mail:

இந்திய ரூபாய்ல சம்பாதிக்க ஒரு வெப்சைட் இது. மத்த வெப்சைட் மாதிரி இல்லாம இதுல ஒரு சேஞ்ச் என்னன்னா ஒவ்வொரு தடவையும் நாம இந்த வெப்சைட்ட தேடி வர வேண்டாம். ஒரு வாட்டி பதிவு பன்னிட்டா உங்களுக்கு ஈ-மெயில் வரும். அந்த மெயில்ல இருக்கற விளம்பரத்த பார்த்தா 25 பைசா உங்களுக்கு சேரும்.

4. mGinger:

அவங்க வெப்சைட்ல விளம்பரம், ஈ-மெயில்ல விளம்பரம், அடுத்து? உங்க போன்ல. ஆமாங்க விளம்பரம் உங்க போன்ல. இந்த வலைதளத்துல் பதிவு பன்னின பிறகு, உங்களுக்கு SMS மூலமா விளம்பரம் வரும். அப்படி வர்ற ஒவ்வொரு விளம்பரத்துக்கும் 20 பைசா.

இது மட்டும் இல்லாம உங்க வலைப்பூல விளம்பரம் செய்ய உதவற சில விளம்பர நிறுவனங்கள்

கிட்டத்தட்ட எல்லா வலைதளங்கலும் பே பால் இல்லைனா அலர்ட் பே அக்கவுன்ட் பயன்படுத்துறாங்க. அதனால இந்த இரண்டுலயும் ஒரு அக்கவுன்ட் ஆரம்பிச்சிடுங்க.

All The Best.

தேடுபொறிக்கு ஓட்டு போடுங்க....

2009-07-16T15:31:00.001+05:30

இன்டெர்நெட் பயன்படுத்தற எல்லோரும் கட்டாயம் பயன்படுத்தறது தேடுபொறி. Google, Yahoo, Bing, AltaVista, Guruji. இப்படி ஏகப்பட்ட தேடுபொறிகள் இருந்தாலும் நாம அதிகமா பயன்படுத்தறது Google, Yahoo, Bing இந்த 3 மட்டும் தான். இந்த மூன்றில் எது சிறந்தது என்று ஒரு வரியில் சொல்லிவிட முடியாது. ஆனா இந்த மூனு தேடுபொறியிலயும் தேடி அதுல வரும் முடிவுகள் அடிப்படைல ஒரு தேடுபொறிய தேர்வு செய்யலாம் இல்ல......
அப்படி பன்றதுக்கு உதவி செய்யற தளம் Blind Search. இங்க இருக்கற பெட்டில நீங்க தேட வேண்டியதை கொடுத்து search பட்டனை அழுத்தினா உங்க தேடலுக்கான விடை மூனு பாகமா கிடைக்கும். Google, Yahoo, Bing இந்த 3 தேடுபொறில நீங்க தேடுன சொல்லுக்கு என்ன விடை கிடைக்குமோ அதை 3 பாகமா கொடுத்திருப்பாங்க. ஆனா எந்த விடை எந்த தேடுபொறியினுடையது என்பது நமக்கு தெரியாது.

உங்க தேடலுக்கு எந்த விடை பொருத்தமா இருக்கோ அந்த பகுதி மேல க்ளிக் செஞ்சா உங்க ஓட்டு பதிவாகிடும். கூடவே நீங்க எந்த தேடுபொறிக்கு ஓட்டு போட்டிங்கன்னும் தெரிஞ்சுக்கலாம். இப்படி எத்தன வாட்டி வேணும்னாலும் நீங்க ஓட்டு போடலாம். ஒருத்தருக்கு ஒரு ஓட்டுதான் அப்டிங்கற விதிமுறை எல்லாம் இங்கு இல்லை. ஆனா ஒண்ணு, ஒவ்வொரு முறையும் தேடுபொறிகளோட இடம் மாறிகிட்டே இருக்கும். அதாவது, முதல்ல நீங்க தேடுனதுல Google முதல் பாகத்துல வந்தா அடுத்த தேடல்லயும், அதே மாதிரி தான் வரும்'னு சொல்ல முடியாது.

இந்த தளத்தை வடிவமைச்சது மைக்ரோசாஃப்ட் ஆஸ்திரேலியா பணியாற்றும் மைக்கேல் கொர்தாகி என்னும் பொறியாளர்.
அவரைப் பற்றி மேலும் தெரிந்துகொள்ள : www.delicategeniusblog.com
அவரை ட்விட்டரில் தொடர : @delic8genius